Ulov mjeseca – ulov godine za maj

U nagradnoj igri kompanije Una Montenegro za ulov mjeseca-ulov godine, u maju je najuspješniji bio Žarko Kraljević sa ulovljenom draganom od 1.5kg. On je osvojio i vaučer u iznosu od 50 eura. Žarko je koristio opremu: štap Okuma Eclipz 50-100 gr, mašinica Okuma Azores 6500, tehnika je pendula, a mamac živa sipa. Ulov je ostvaren na oko 40m dubina na pontu Mačka.

Drugo mjesto i vaučer u iznosu od 30 eura osvojio je Dalibor Božinović iz Tivta sa hobotnicom od 9,1kg. Hobotnica je ulovljena u bokokotorskom zalivu na izlazu iz Veriga u jutarnjima časovima, a kao njesku je koristio živoga raka bez olova. Kako Dalibor kaže: “Najveći gušt je bilo vadjenje tolike hobotnice, samo  najgori  dio je bilo ubaciti je u barku, a da se ne zalijepi za nju, ali i tome je nekako došao kraj i rezulat je vidljiv.”

Treće mjesto i vaučer u iznosu od 20 eura osvojio je Aleksandar Šikmanović sa ulovljenim škarmom od 5.3kg. Škaram je ulovljen podvodnom puškom, način lova “čeka”,  mjesto Maljevik na dubini od 7metara.

Nagrađeni takmičari vaučere mogu potrošiti u Uninim prodavnicama SIPA ili Marine.

Sa nama se love najbolje ribe!