Nina Petković večeras na CMC festivalu u Hrvatskoj

CMC festival u Vodicama okupio je juče i danas najveća imena regionalne muzičke scene, a među njima je i Tivćanka Nina Petković koja će nastupiti sa svojom novom pjesmom pod nazivom „Predugo“. Nakon preslušavanja svih poslatih snimaka stručna komisija CMC festivala odabrala je izvođače koji će nastupiti večeras od 20 sati a tu će,pored naše Nine, biti i najveće regionalne zvijezde poput Željka Bebeka, Kolonije, Crvene jabuke, Magazina, Nede Ukraden, Zlatka Pejakovića i mnogih drugih.

Tokom dva dana ovog velikog muzičkog događaja nastupa više od 50 izvođača a sve pjesme CMC festivala, a dobar dio njih već je zaplovio radijskim i TV programima, naći će se uskoro na trostrukom CD-u u izdanju Croatia Records-a.

Autori pjesme „Predugo „crnogorske predstavnice u Vodicama su Zoran Radonjić, Bojan Momcilović i Nina Petković. Za toaletu tivatske vokalne solistice se pobrinula Radojka Tepavac.