Mlade Tivćanke iz Dječjeg saveza u Radio Tivtu obilježile Dan dječje knjige

U susret 2. aprilu, Svjetskom Danu dječje knjige, jutarnji program uljepšale su nam četiri članice Djece Tivta. Učenica SMŠ „Mladost“, Jana Mrvaljević, te Irena Milošević, Iva Dubljević i Sara Vraneš iz OŠ “Drago Milović” govorile su stihove glumca i pjesnika Dejana Đonovića u čast sutrašnjeg praznika.

Podsjetile su slušaoce na podatke iz Đonovićeve biografije, a riječi je bilo i o tome kako su one zavoljele knjigu. U pripremi su im pomogle profesorka Marija Golub i dobri duh Djece Tivta, predsjednica ove NVO, Slavica Vulanović.

Svečanost knjige slavi se baš na sutrašnji dan, jer je tog datuma 1805. u Kopenhagenu rođen jedan od najvećih pisaca za djecu, kralj dječjih bajki, Hans Kristijan Andersen.