Melita Ciko: Sve je spremno za Lastovski karnevao

„Sve je spremno za današnji tradicionalni Lastovski karnevao“ – kaže za naš radio Melita Ciko iz NVO „Harlekin“.

„Lijepo vrijeme, lijep događaj i očekujemo vas, poštovani građani, u velikom broju. Budite maškarani, budite raspoloženi i svi zajedno da uživamo u našem karnevalu.

Nećemo vam otkriti ime Karnevala. Dođite i vidjećete i sami. Povorka kreće, po tradiciji, u 14 sati iz VII kvarta.

Nakon suđenja i spaljivanja Karnevala je maskenbal u hotelu Kamelija. To je posebna spektakl. Imamo i dosta nagrada za najbolje maske.

Puno smo radili na organizaciji i mislim da će sve biti na visokom nivou. Karneval je kruna svih naših aktivnosti, a bilo ih je dosta. Nakon ovoga trebaće nam jedan kraći odmor“ – kaže Ciko.