Portoroz srebro 18

Kotorski srednjoškolci osvojili drugo mjesto u Portorožu

Veslači Srednje pomorske škole osvojili su danas drugo mjesto na 18. međunarodnoj veslačkoj regati u Portorožu.

Pored kotorske ekipe veslača, takmičilo se još dvanaest ekipa.

Veslači i profesori koji su ih pratili kažu kako nije bilo nimalo lako doći do finala, sve ekipe su bile vrlo uvježbane i zagrijane za pobjedu, a naši su momci posebno ponosni na osvojenu medalju budući da pravo na učešće u takmičenju nije imalo ni limit u godinama!

Napominjemo da nam je ovo 35. regata na kojoj smo učestvovali, da smo se do sada sa tih regata vratili sa ukupno 34 medalje, od ovog broja 14 puta smo dobili zlatnu medalju, 12 puta srebrnu i 8 puta bronzanu. Jasno, momci iz današnjeg sastava imali su dvostruku motivaciju – onu ličnu i onu na koju ih obavezuje ovakva prošlost.

Sastav veslačke ekipe činili su: Petar Bujenović (kormilar), Marko Kovačević (kapiten), veslači: Ivan Dragutinović, Mihailo Kovačević, Ivan Latković, Ivan Lakićević, Janko Radović, Aleksa Igić, Balša Ćipranić, Nikola Čavor, Nikola Nikčević, Dušan Dimitrovski, Đorđe Barać i Andrija Milinović.

Čestitamo i ekipi koja je osvojila zlato, ekipi Srednje pomorske škole iz Portoroža.

Veslače su pratili profesori Milan Franović i Darko Botica, u proteklom periodu isti profesori kao i profesor Mario Crvelin marljivo su i pripremali veslače.