Jovanović: Momci su heroji, Sarić: Arsenalu rezultat, nama igra

Arsenal nastavlja izvanrednu seriju rezultata u Drugoj Amplitudo fudbalskoj ligi.

U derbiju kola u Tivtu je savladan Mornar sa 2:1 I Tivćani dijele prvo mjesto na tabeli sa Komom, devet bodova više u odnosu na Morna I Igalo.

U izjavi za Radio Tivat  treneri Arsenal I Mornara različito su vidjeli primorski derbi.

     “Srušili smo tradiciju. Proteklih 12 godina Arsenal nije pobjedio Mornar. Napokon smo ih savladali. Pod emocijama sam, i mogu samo momcima da čestitam. Oni su heroji na terenu. Iako nije igralo nekoliko standardnih rpvotimaca pokazali smo karakter. Zasluženo se nalazimo na vrhu tabele.

U idućem kolu derbi u Kotoru sa Bokeljom. Mi idemo na pobjedu. Ova ekipa ne zna drugačije” – ističe Goran Jovanović, šef stručnog štaba Arsenala.

     “Čestitam Arsenalu na pobjedi. Mi smo došli ovdje da trijumfujemo. Na terenu smo pokazali taj stav. Držali smo Tivćane na njihovoj polovini. Ali, primili smo gol u nadoknadi prvog poluvremena. Drugo poluvrijeme opet krenuli dobro i primili gol iz kontranapada. Uspjeli smo da smanjimo, ali ne i da izjednačimo. Imali smo nekoliko prilika. MI smo danas sve imali. I igru, natrčali smo protivnika, pokazali da smo bolji. Ali, bez rezultata sve je ništa. To sve smo mi danas imali. Međutim, rezultat se pamti. Zato je fudbal zanimljiv” – kaže Obren Sarić, šef stručnog štaba Mornara.