Jevtić: Dobar otpor Lovćenu, idemo na pobjedu protiv Jedinstva

Interesantna utakmica odigrana je sinoć u Tivtu između Teoda i Lovćena.

Cetinjani su zasluženo slavili 94.:84, ali su Tivćani pružili snažan otpor. I jedni i drugi bili su precizni u šutiranju trojki. Gosti 11 od 26, Teodo 10 od 26 pokušaja. I u šutu za dva poena vidjeli smo dobar učinak košarkaša dvije ekipe. Cetinjani su za dva poena pogodili 25 puta iz 35 pokušaja, Tivćani 22 iz 34 pokušaja.

„Lovćen je ozbiljna ekipa, član Druge ABA lige.. Pružili smo dobar otpor. Nisam nezadovoljan, pogotovo ako se zna koliko smo imali kadrovskih problema zbog korone. U više navrata imali smo i priključak, ali nismo pogodili neke otvorene šuteve. Nije lopta ušla u koš, ali hoće drugi put.

U srijedu nas očekuje duel sa Jedinstvom u Tivtu.Idemo na pobjedu protiv Jedinstva, kao što smo išli  i protiv Lovćena“ – kaže za naš radio šef stručnog štaba Teoda Dejan Jevtić.