Izgrađeno stepenište do mora u Krašićima

Direkcija za investicije Opštine Tivat protekle je sedmice izvela radove na izgradnji stepeništa za pristup plaži u Krašićima, u neposrednoj blizini Balkanske ulice. Radovi su izvođeni po zahtjevu stanovnika Krašića kako bi im se omogućio uređen pristup obali i moru.

Radove je izvodila kotorska firma “Dema” doo, a vrijednost radova iznosi oko 2.400€. “Izgradnjom stepeništa olakšan je pristup obali i jednim dijelom riješen višegodišnji problem tamošnjeg stanovništva, ali i brojnih turista i vlasnika objekata na ovom potezu tivatskog zaliva” – naglasio je direktor Direkcije za investicije Budimir Cupara.