Goran Jovanović: Pokušaćemo preko baraža do najvećeg uspjeha u istoriji Arsenala

Kvalitetnu i zanimljivu utakmicu odigrali su Arsenal i Berane.

Na kraju podjela bodova, 1:1, što sigurno više odgovara gostima. Tivćani su bili bolji u prvom poluvremenu, Beranci u drugom.

Imali smo penal i pet šest šansi. Mi uvijek idemo na pobjedu, ali Berane se izborilo za remi i ja i čestitam. Bili smo bolji u prvom poluvremenu, a oni  u drugom. Berane ima kvalitetnu ekipu. Ukupno solidna igra. Bili smo bliži pobjedi.

Idemo utakmicu po utakmicu. Obezbijedili smo drugo mjesto i pripremićemo se za baraž. Imali smo velikih kadrovskih problema, ali sad se polako vraćamo. Pokušaćemo da preko baraža ostvarimo najveći uspjeh u istoriji Arsenala“ – kaže za naš radio šef stručnog štaba Arsenala Goran Jovanović.

   „Veoma teška utakmica. Prvo poluvrijeme pripalo domaćinu, drugo nama. Napravili smo neke korekcije i uspjeli smo da nametnemo svoju igru. Mislim da je neriješeno realan ishod. Mi idemo po nekom svom planu. U procesu smo stvaranja mlade ekipe iz svojih redova. Zbog nedostatka iskustva izostali su bolji rezultati, ali već se spremamo  za narednu sezonu.“ – rekao je za Radio Tivat trener Berana Ivica Ćulafić.