25 јан FAŽOLA SA RAŠTANOM

Posted at 10:12h in Mali od kužine by

Potrebno je:

40 dag fažole

1 mrkva

1 čipula

3 špice česna

2 grančice selena

2 pera lovorike

40 dag raštana

1 ćikara isjeckane pamidore ili pelata ( po želji )

So, papar

 

Priprema:

U lonac staviti fažolu, mrkvu, selen, isjeckana oba luka, pera lovorike i so. Kuhati na umjerenoj vatri. U međuvremenu, raštan očistiti od kočana i isjeći na trake pa ga, u kipućoj vodi, bariti 5 minuta. Ocijediti i dodati fažoli, pa nastaviti kuhanje. Po želji, dodati i isjeckanu pamidoru. Jelo mora biti srednje gustine, a prije posluživanja dodati papar i preliti ga sa nekoliko ožica maslinovog ulja.

Fažola sa raštanom je staro bokeljsko jelo koje se pripremalo u dane posta. Varijante ovog jela pripremaju se u gotovo svim zemljama uz Mediteran.