Celebrating

Danas je Dan žena

Danas se obilježava Međunarodni dan žena – 8. mart. Slavi se  u znak sjećanja na demonstracije američkih radnica u Čikagu 1909. godine i njujorški marš više od 15.000 žena koje su tražile kraće radno vrijeme, bolje plate i pravo glasa.
Ujedinjene nacije 8. mart su zvanično proglasile Međunarodnim danom žena 1975. Godine.
Svim pripadnicama ljepšeg pola, Radio Tivat upućuje iskrene čestitke.

U staroj Jugoslaviji žene su dobijale cvijeće od firmi na Dan žena i mogle su da idu kući ranije.
Osmi mart je dan pobune radnih žena protiv kuhinjske robije. „Reci NE ugnjetavanju i praznini duha rada u domaćinstvu“ jedna je od poruka koja je mogla da se nađe na čestitkama za Dan žena u SSSR.
Sovjetska Rusija bila je prva država koja je 8. mart obilježila crvenim slovom u kalendaru 1917, a neradni dan postao je 1965. godine.

Novi Zeland je prvi u istoriji ženama dao pravo glasa 1893. godine. Jugoslavija je to učinila 1950 godine, a Ujedinjeni Arapski Emirati su posljednja država koja je to uradila, i to 2006. godine.
Najuticajnija žena svih vremena po izboru časopisa Time bila je Džejn Adams, američka pacifistkinja i dobitnica Nobelove nagrade za mir.