„Crveni“ prekinuli pripreme u Tivtu

Seniorska selekcija naših košarkaša, kao i mlada reprezentacija, od srijede je morala prekinuti program priprema u Tivtu.

Košarkaši koji rade u Tivtu, kao i članovi stručnog štaba, testirani su na korona virus, jer su prije nekoliko dana bili u kontaktu sa zaraženim čelnikom nacionalnog košarkaškog saveza – “objavila je “Arena”.

Po riječima selektora Boška Radovića, prekid rada je mjera predostrožnosti, s obzirom na porast broja zaraženih od korona virusa u zemlji. ,,Crveni“ su dvosedmični program priprema započeli 22. juna, a radilo se uglavnom o igračima sa šireg spiska nacionalnog tima – onima koju su zbog pandemije bili dugo van trenažnog procesa, kao i mlađim košarkašima na koje reprezentacija dugoročno računa.