Bokeski forum logo

Bokeški Forum: Bokeljke oslonac razvoja Tivta

Nježniji pol, slabiji pol, zapostavljen pol? I u izrazito patrijarhalnom društvu kakvo je naše, neosporno postoje primjeri veličanja žena koje su se nekim svojim postupkom ili dostignućem istakle, ali se ipak mora priznati da su takvi primjeri sporadični. Takodje, demokratsko društvo zahtijeva istinsko postojanje rodne ravnospravnosti, a da li je to i sa nama slučaj, ili smo samo opet prihvatili propise koje ne sprovodimo u praksi?

Bokeški Forum kroz svoj rad i političko angažovanje, pa i sam sastav, čvrsto zastupa stav da je neophodno navedene propise implementirati u praksu, što pokazuje i sastav naše liste za prestojeće lokalne izbore u Tivtu, na kojoj je 18 kandidatkinja i 14 kandidata za odbornike. Polazeći od primjera naših majki, sestara, supruga, baka, uvjereni smo da svaka žena dosljedna vrijednostima njegovanja porodice, u mnogome može doprinijeti stvaranju i očuvanju zdravog i prosperitetnog društva.
Mi u Bokeškom Forumu smo svjesni da ni medju našim članicama, kao ni medju gradjankama Tiva i Boke ne manjka posvećenih i kompetentnih žena koje su osnova i porodice i društva, i za nas rodna ravnopravnost nije puko zadovoljavanje nametnutnih normi i ispunjavanje najčešće licemjernih formalnosti, već temelj neophodan za ispunjenje naših ciljeva i očuvanje bokeških vrijednosti kojima težimo.

Vaš Bokeški Forum!